Nuje simmo Napulitane

20140419-004338.jpg

Di Pino Rispo d.r.
Caru Rré Franceschiello
addó staje mó,e si ncè siente
ogge sapimmo ca ire ‘nnucente
e si’ stato traduto

Te ne si ghiuto pecché ‘o bbene
nuosto haie vuluto
Ire guaglione, e d’ ‘a pulitica
nun ne capive

Vulive ‘o bbene nuosto
ogge l’avimmo capito
avive ragione quanno diciste
Ca nun ‘nce sarriano rimaste manco ll’uocchie pe’ chiagnere,

‘O regno nuosto è priggiuniero
priggiuniero ‘e ‘nu tiranno
se chiamma Stato Taliano
e vó ‘a morte d’ ‘o napulitano

Pe’ presidente d’ ‘a Repubblica
oggi ncé stá nu Savoia,
Giorgio Napolitano,
che tradisce ‘a genta soja,

Tu maistá vulive bene
‘o populo, ‘a genta toia,
e fino a ll’urdemmo minuto haie cumbattuto
ma nunn’haie vinciuto, si’ stato traduto

Ogge nce stammo scètanno
e stammo piglianno cuscienzia
‘e ‘st’incubo d’ ‘a storia nosta,
Nuje vulimmo giustizia!

Avvimmo perzo ‘a pacienzia,
tu, ca si’ cattolico e devoto
dincello a SAN GENNARO
ca ‘nce fá ‘sta grazia

Vulimmo chello ca é ‘o nnuosto,
ogge avimmo capito ca nun simmo Taliane
qua’ fratelli d’Italia?!
nuje simmo ‘e figlie tuoie! Nuje simmo Napulitane!!!

20140420-170854.jpg

Nnammurate ‘e te

20140414-182921.jpg

Di Pino Rispo d.r.

I’ songo nnammurato, si… nnammurato
eternamente d’ ‘a terra mia, ‘e chesta bella gente
vulesse campá mille anni
pe’ te vulé sempe cchiù bbene

Pe’ te purtá pe’ sempe dint’ ‘a ‘stu core
addò ‘a na vita porto chist’ammore
nziem’a te m’aggio fatto ‘e suonne cchiù belle
tra cielo, mare, sole e muntagne

Stai sempe llá aspettanno ca m’addormo
po’ viene me piglie ‘a mane e m’accumpagne
nziem’ a te aggio visto ‘a meraviglia d’ ‘o munno
t’aggio lassata ma tu ‘o stesso ‘e me nun te si’ scurdata

Nnammurate comm’ ‘a te, nunn’esistono cchiú
addò vaco i’ viene sempe pure tu
tu cammini dint’ ‘o core, dint’ ‘a ll’aneme, e dint’ ‘a mente
Si’ ‘a nammurata cchiú cara d’ ‘o munno

Ll’ammore nuosto é profondo
Napule mia, te porto dint’ ‘o core pe’ te tené vicina
ammore accussì nun l’hanno maje visto a Torino
‘a mmiria, ‘a mmiria é na brutta cosa

Ma ‘a passiona mia? ‘A passiona…
É assaje cchiú forte ‘e chistu core.

Napule Mia

20140412-004422.jpg

Di pino rispo d.r

Napule mia si’ sempe tu ‘a capitale ‘e ‘stu core
Napule mia si’ sempe tu l’ammore
‘sti figli te vonno bene ancora
Tu si’ ‘a mamma ‘e tutt”e mmamme
Tu si’ ‘e notte senza suonne
Tu si’ poesia quanno nun duorme
Tu si’ sempe belle
Dint”o mmale e dint”o bbene
Tu si’ ‘a città ‘e mille cieli
Tu si’ terra ‘e passione
Tu si’ terra ‘e canzone
Tu si’ terra ‘e furore
Napule stò luntano
Ma dint”a mente te veco
Cu ‘o Vesuvio ‘nmiez”o mare
Napule te voglio bene
Pe’ tte me faccesse scorrere
‘o sango ‘a dint”e vvene
Napule si’ ssempe tu
dint”o bbene e dint”o mmale.

Poesia scritta da…
Pino brigante rispo
Diritti riservati

Chesta terra nosta

20140411-232540.jpg

DiPino Rispo D.R

L’antico regno chesta terra nosta
è addiventato na giostra
ogge me chiagne ‘o core
e contro ‘a ‘sti nfami tengo rancore

Vedenno ‘o declino dint”a ‘sti piazze
ma pecché simmo arrivate a chesto?
L’inganno d”o frato liberatore
don Peppino… ‘o traditore!

‘O Piemonte invasore
‘e chesta terra nosta se ne mpadrunetteno
quante gente acciretteno…
Ogge me chiagne ‘o core

E contro ‘a ‘sti nfame tengo rancore
songo napulitano
e canto nu poco ‘e storia cu ‘sta canzona

So’ addeventato emigrante e brigante
cittadino d”o munno
chesta terra nosta, me vene nzuonno
stongo America, stongo in Argentina
‘o Venezula, ‘o Brasile…

Ma nisciuno cunosce ‘a storia nosta
pecché ‘e frate ‘e Caino l’hanno annascusa!
Ll’antico regno chesta terra nosta
nunn’era na giostra ma era ‘a gioa dint”o core

Chesta terra ‘e ricchezza e splennore
simmo ancora poco ca sapimmo
chesta terra nosta rinte ‘e vvene ‘a sentimmo
Chesta terra nosta ve dice
fora Savoia figli ‘e na troia!
Figli ‘e Caino grandu traditore!!!

Poesia di Pino Rispo
Diritti riservati

‘O Regno D’ ‘e ddoie Sicile

20140409-024407.jpg

Di Pino Rispo d.r.

Nce steva nu regno chino ‘e bellezze
‘a gente cantava e ballava d’ ‘a priezza
Chesta terra chiena ‘e passiona
Nce ne so’ nate de poesie e canzoni

Chistu regno ‘e meraviglie
Chiammato ‘o Regno D’ ‘e ddoie Sicilie
Teneva nu Rrè ca vuleva bene’e figlie
Francesco secondo di borbone

Nato a Napule e che Rrè e che core
Chesta terra chiena ‘e passione
e’ stato sempe unu popolo una nazione
pe’ cchiù ‘e mille anni cu diversi padrune

Po’ arrivaie n’infame ‘e rrè detto baffone
p’ ‘e nuie briganti nu rrè ‘e cartone
Chiste omme ‘e niente nzieme a ‘sti nfamune
‘stu grando figlio ‘e troia!

Emanuele Vittorio di Savoia
Se nventaie l’Italia unita e si chiammaie liberatore
Invece c’hanno fatta na colonia ‘sti truffature
‘O norde ogge nce chiamma terroni

Chillu stesso nord chell’ata Italia
Nce disprezza e nce chiamma gentaglia
Ogge ‘sti nfame hanne avvelennato ‘stu regno
pe’ sè regnere ‘e ssacche nun hanno perzo tiempo

Senza pietá ‘stu populo stanno ancora accidenno
Senza rimorsi senza vergogna
c’hanno miso ‘o sistema ca è peggio da rogna
Ma vennarrá ‘o iuorno ca ‘stu regno ‘e bellezze
Turnarrá a cantá e ballá d’ ‘a priezza
vuttanno fora ‘sta gente ‘e munezza!!!

Poesia di pino rispo
Diritti riservati

Commo ‘e quatte iurnate

20140409-022223.jpg

Di Pino Rispo d.r.

A Campania nunn’ha dda murí
‘sta nuvula nera ha dda ferni
guagliune ‘e Napule
commo ‘e quatte iurnate
iammo bell’arrevutate

Chesta guerra
nun nce ha maie lassato
da trent’anne ‘o genocidio
‘int’a ‘sta terra è turnato
commo ‘e quatte iurnate

Guagliune ‘e Napule
iammo bell’arrevutate
‘stu genocidio ha dda ferní
‘stu populo nun pò muri

è nu’seculo e miezo
ca sventuliammo ‘stù tricolore
ca ancora nce porta
morte e distruzione

Commo ‘e quatte iurnate
Iammo bell’arrevutate
‘stu populo nun pó murì
‘sta nuvola nera ha dda passà

‘A terra d”e fuochi avimma astutá
chistu regno ha ddá
turná a campá!!!

Pino Rispo
Diritti riservati

‘O mutive ‘e ná canzone

20140409-021105.jpg

Di Pino Rispo d.r

Napule mia si’ troppo bella
songo arrivato stammatina
da luntano sento na musica
stanno abballano ‘a tarantella…

Cammenano pe’ ‘sti vvie
d’ ‘a cittá ‘e pullicenella
stongo ‘a casa mia
e me sento guagliunciello

Napule mia si’ troppo bella
passanno pe’ sti viche
Se sente addora ‘e pizze prufumate
pummarole, vasenicola e muzzarella

Napule mia si’ sempe tu
‘o mutive e ‘sta canzona
tiene nu fascino curiuso
ogni turista vene s’arrecrea

Se ne vanno nnamurati ‘e ‘sta cittá…
ampresso tornano e correno
nun le basta nu mumento
pecché pe’ ssempe ccá vonno campá

Napule te veco e si troppa bella
giranno pe’ ‘sta cittá
ncopp’ ‘a na carruzzella
me sento comme a chilli turisti nnamurate

songh’ io invece…
songo chillo guagliunciello
ca pe’ te scrive e canta
chesta lettera d’ammore

É tutta ‘a vita
ca te porto dint’ ‘o core
ogge sento addora ‘e libertá
commo a tanta figli tuoie

I’ so’ turnato e cu tte vurria restà
pe’ cunoscere’a vera storia
e tutte ‘e bellezze ‘e ‘sta città
e de nu Regno ricco e chino ‘e gloria!