Vurria addeventá nu palummiello

Di Pino Rispo e Salvatore
Mazzella D.R.

Vurria addiventà nu palummiello
pe’ vulà luntano luntano dint’ ‘o tiempo
pe’ sussurà dint’ ‘e rrecchie d’ ‘a gente
‘o destino ‘e nu populo e de na storia busciarda

Na storia chiammata unità
na storia macchiata cu ‘o sango
i’ nun me stanco ‘e cantá
quanta frate so’ muorte pe ‘sta finta libertà

Dint’ a ‘stu core i’ tengo onore
cammenanno pe’ Napule
guardo cu disonore ‘e statue ‘e sti nfame
ato ca eroi e liberatori

Vurria addiventà nu palummiello
pe’ vulà luntano luntano dint’ ‘o tiempo
pe’ sussurà dint’ ‘e rrecchie d’ ‘a gente
nun credite a ‘sta storia busciarda

Senza dignitá e senza onore
‘sta buscia ‘int’ ‘e scole ce l’hanno ‘nsignata
Venetteno p’accidere e no a liberà
nu Regno e nu populo chest’è ‘a realtà

Nu juorno chi sà l’uocchie guardarranno
truvarranno ‘a forza ‘e cacciá ‘st’invasore
‘a storia ce chiamma briganti e a lloro maistà
ma dint’ ‘a memoria nce sta ‘a verità

Vurria addiventà nu palummiello
pe’ vulà luntano luntano dint’ ‘o tiempo
pe’ sussurà dint’ ‘e rrecchie d’ ‘a gente
ca ‘sta terra ‘a nosta ha dda turnà!

20140628-081257-29577319.jpg

20140628-081258-29578426.jpg

Advertisements

Mia cara Napule…..

Di Pino Rispo e Salvatore Mazzella d.r

Che bella lengua ‘o nnapulitano
chi é nato a Napule me po’ capí
se parte pe’ ‘o munno pe’ sponde d’ ‘a terra
ma dint’ ‘o core t’ ‘a puorte cu te

Quanta buscie quanne ero guaglione
m’hanno cuntato e m’hanno ‘nsignato
dint’ ‘e quaderne scrivevo ‘sti ccose
e m’ ‘e purtave a casa cu me

Mò stongo a ll’ata parte d’ ‘o munno
songo brigante e parlo sulo ‘e te
parlo cu ‘a gente scunusciuta
pecché tuttto ‘o munno l’hadda sapé

Quanti canzone famose e quant’armunie
scritte cu ‘o core, so’ napulitane
parole d’ammore, rime e puisie
E no comm’ ‘o taliano te vó fa’ vedé

Parlo cu ‘a gente ca nun sape niente
mò tutt’ ‘o munno l’hadda sapé
‘e cchiú belli ccanzone ‘e ffa’ ‘sta cittá
e pure chi nunn’è ‘e Napule me po capí

L’hanno scritte ‘sti grandi artisti
canzoni e cummedie di rara bellezza
Che bella lengua ‘o nnapulitano
na lengua ‘e nu Regno ca nun pó murí

I’ cchiú nce penzo e cchiú nce credo
senza ‘e Napule se po’ murì
‘sta terra d’ammore m’ ‘a porto dint’ ‘o core
pure ‘a luntano me fermo a vedé

Terra ‘e passione ‘e puisia e canzone
pe’ tutt’ ‘a vita staje nziem’ ‘a me
chi é de Napule me po’ capì
ll’urdemo juorno ccá ‘o voglio fernī

20140610-075106-28266307.jpg

20140610-075107-28267403.jpg

Figli sulo a te

Di Pino Rispo d.r. Napule… pure Maradona é figlio a te è ‘nu vero napulitano, cu passione è rimasto overo e commo a mme Addò va,va…. porta Napule dint’ ‘o core Quanno venette a Napule a ghiucá nun se ll’immaginava … Continue reading