Ogge songo nu Brigante

Di Pino Rispo d.r

I’ scrivo penzanno mille penziere
‘e quanno jevo ‘a scola
ero piccerillo e camminavo pe’ Napule
m’arricordo comme si fosse ajere

Nu scugnezziello sempe
‘n miez’ ‘a via
curiuso ‘e vedé tutte ‘e strade e tutte ‘e viche
po’ ‘e vvote me fermavo a guardá
‘a gente dint’ ‘a stazione

Proprio a dduje passe d’ ‘a casa mia
nce steva ‘a ferrovia
ero curiuse p’e vedé ‘e treni
uno veneva e n’ato se ne jeva

Me piaceve ‘e sentí l’altparlante ca diceva:
“E’ in arrivo da Milano binario ventiquattro”
“É In partenza per Roma binario trentotto”
Guardavo ‘a gente, chi arrivava e chi veneva

E mentre guardavo tutta chesta gente
senza penzà e senza me n’accorgere
s’era fatta quase mezzanotte
e mane dint’ ‘a sacca m’avviavo ‘a casa

Chella povera mamma mia, quanta penziere
i’ saglievo ‘e scale chiano chiano
ma essa d’ ‘a copp’ ‘o bbalcone,
giá m’aveva visto d’ ‘a luntano

Mammà tanto ca s’era preocupata
me faceva na allucatella
me diceva: “Dimane facimme ‘e cunte”
ma ‘o juorno appriesso giá se l’era scurdato

Erano tiempi belle, ‘na quarantina d’anne fa
precisamente ‘o vintinove ‘e dicembre d”o sittantatré
partetteme pe’ ll’America, jevemo luntano ‘a Napule
luntano ‘a ‘sta cittá addó nascette

purtanneme a na terra scunusciuta
senza nu cumpagniello e manco ‘e zampugnare…
nun steve cchiú ‘a casa mia
addo camminavo, nun ero cchiú ‘nu scugneziello

Ogge songo nu Brigante
e me chiammo Pino ‘a veritá
Pecche comme a tanta frate ‘e ‘sta cittá
I’ lotte pe ‘na cosa, una sola

I’ ve conto ‘a storia vera d’ ‘e ddoje Sicilie
d’ ‘a casa mia, addo ogge cummana ‘nu straniero
‘o Stato italiano no, nun c’appartene!
Nuje cumbattimo p’ ‘e frate nuoste
Nuje ne simmo fieri pecché simmo napulitane!!!

IMG_7990-1.JPG

Advertisements