‘O tiempo d’ ‘a riscossa

Di Pino Rispo D.R.

Ogge ‘a luntane se vede nu fummo
comme se vedeva vint’anne fá
ma sul’ogge s’accumencia a sapé
ca dint’ ‘a ‘stu fummo ce ‘sta ‘a veritá

D’ ‘a tant’anne ca ‘stu martirio cuntinua
è nu seculo e miezo ca scorre ‘stu sango
ogge nzieme a ‘stu fummo
chesta terra ancora abbrucia

Ancora ne moreneo tante pe’ colpa ‘e nu frato nfame
‘sta terra ‘e nisciuno è ‘sta terra ‘e tutte quante
addo tutte ‘a cummánnene
ma nisciune fa niente

É arrivato ‘o mumento d’ ‘a gloria
è arrivato ‘o mumento ‘e purtá
a casa nosta ncoppe a ‘sta storia
tutta ‘a luce e tutta ‘a veritá

Ccà fino a ajere tutte vedevene
nisciuno senteve e nisciuno sapeva
ogge ‘stu fummo dint’ ‘a ‘sta terra
cuntinua ancora a bruciá veleno

Nu frato Caino cuntinua a semmená morte
‘Stu frate nfame, ‘stu frate Caino
ma ogge ncé stamme scetanne
ogge stammo alluccánne libertá

Simme quasi tutti cuscienti
tutte nziem’avimma alluccá
“Italia, tu nun c’appartieni!”
Ogge facimmelo nuje ‘o risorgimento

Nuje ca a Ré Francesco secondo
Ne simmo fedele e facimme giuramento
Pecché è arrivato ‘o tiempo d’ ‘a riscossa
Mò nuje avimma dicere… Basta!!

Pecché ‘a terra nosta nce chiamma
Pe’ na vota e pe’ sempe facimmolo vedé
chi songo l’eroie, chi songo ‘e Briganti!

IMG_0698.JPG

IMG_0688.JPG

IMG_0690.JPG

IMG_0697.PNG

Advertisements

Chistu core Napulitane

Di Pino Rispo D.R.

L’emigrante? E che significa ‘sta parola?
No… Chesto ‘a terra nosta nunn’esisteva!
Accumenciaie ccá ‘a storia ‘e l’emigrante
Vintinove dicembre d’ ‘o sittantatré

Songo i’ ca scrivo, ‘nu “brigante”…
ogge i’parlo cu te “Stato” tu veniste arrubbá ‘a casa mia
tu vuliste e ccá, me purtaieno… America
Addo ogge I’me sento cchiú napulitano

Ogge simmo tante sparze pe’ tutt’ ‘o munno
ogge, ogge songo n’ommo ca ha capito chello ca ‘e fatto
e nun me scordo, pecché ‘a terra mia è bella assaje
tu si stato ‘nfame, si stato carogna

Pe’ colpa toja ‘a terra mia lassaje
Mariuolo!!!
Ddoje cose però nun te si’ purtato
Napule e chistu core Napulitano!!!

IMG_0695.JPG

IMG_0694.JPG

IMG_0693.JPG

ST’UOCCHIE TUOIE… di: Salvatore Mazzella

Sei un Grande poeta my brother

Salvatore Mazzella... IL BLOG.

CHIANU, CHIANO NA LUCE S’APPICCIAVA
SE SCARFAVA E S’ALLUMMAVA TUTT’ATTUORNO
DDUIE UOCCHIE ALL’IMPROVVISO
E DDOIE LUCELLE PICCERELLE

NA CRIATURA APPENA NATA
‘O SILENZIO ARREVUTAVA
CU NU CHIANTO PICCERILLO
CU NA MANELLA P”E CAPILLE

CHILLU IUORNO CA NASCISTE
PE’ NU SBAGLIO MPARAVISO
LUNTANO A ME CHISTU SURRISO
‘O FACETTENO APPICCIA’

IO A NAPOLI TU A ROMA
NON LONTANI MA DISTANTI
DI SICURO IO E TE
NUN C’AVEVAMO NCUNTRA’

CRISCENNO ST’UOCCHIE TUOIE
SO’ ADDEVENTATI ACCUSSI’ BBELLI
LUCIDI E LUCENTI NA VERA RARITA’
CA QUANNO L’UOCCHIE MIEIE
HANNO NCUNTRATO NUN T’AGGIO PUTUTO CCHIU’ SCURDA’…

SI’ TRASUTO MPIETT’A MME
COMM”A NU VIENTO FURIUSO
TUTT”E CCOSE T’HAIE PURTATO
TUTT”E CCOSE HAIE CANCELLATO

E ‘O STESSO VIENTO SO STAT’IO PE’ TTE
‘O STESSO VIENTO NCAZZUSO HA ARREVUTATO
CE SIMMO PIGLIATO
CE SIMMO NNAMMURATO

TANTU TIEMPO ANCORA NZIEMO AVIMMA STA
TANTU TIEMPO ANCORA PE’ RECUPERA’
CHILLU SBAGLIO MPARAVISO
CA CE VULEVO ALLUNTANA’…

Salvatore Mazzella

View original post

Arrivará ‘o mumento

Di Pino Rispo D.R.

Ogge ve conto na storia ‘e tantu tiempo fa……
na storia ‘e nu populo, nu populo nnucente…..
ngannato e traduto ‘a na finta unità

I’ vurria turnà lla, vurria passà ‘e stessi ppene…..
‘e chilli frate, chelli ssore e chelli mmamme….
ca pe’ ll’onore hanno truvato ‘a morte

Tradute ‘a nu frato ca nce diceva ‘e ce purtà ‘o bene,
nu frato nfame ca c’acciso senza manco bussà ‘a porta,
I’ vurria tenè cchiù cunuscenza e forza ‘e raccuntà,
quanta sango nnucente scurrette pe’ ‘sti vvie……

‘A storia ‘e ‘sta nazione e de nu populo nobile e felice,
ca murette pe’ na guerra ‘e repressiona,
invaso, ngannato e traduto senza dichiarazione,

Ogge sventulejano ‘e bannère, còntano ‘a storia d’ ‘e ddoje Sicilie,
Ma Francischiello nce dicette: Stateve accorta!
Quanno arrivarrà ‘o mumento cercarranno ‘e ve ngannà,

Svennite ‘n miezo ‘e piazze alluccanno libbertà!
Aizatev’a capa e dateve onore
comme facetteno ‘e brigante frate vuoste,

Muretteno pe ‘a Patria datencella chesta gloria
cumbattetteno senza se fermà, cu tanto onore,
so’ muorte senza croce cumbattenno pe’ ‘sta storia,

Ogge vuje sapite ‘a storia arapite ‘sti bannère,
mettiteve tutte nzieme e cùntate ‘a verità,
aunite chistu populo, unu Stato e una Nazione!

IMG_0338.JPG

IMG_0290-0.JPG

IMG_0341.JPG

IMG_0666.JPG

‘o primmo e l’urdemo penziero

‘o primmo e l’urdemo penziero
Di Pino Rispo d.r.
Ogni notte m’addormo penzanno a te
A te ca staje luntano..
Tu ca nasciste ‘n mieze ‘o mare
Tu si ‘o primmo e l’urdemo penziero
Tu cu tanta Storia…
annascunuto fino ajere
Fino a mó nisciuno t’ha maje capito
I’ so’ nu figlio tuojo ca te vo’ bene
Cu chisto core ca m’abbrucia ‘e passione
Chesta notte comme a tante nun dormo
Stongo ccá, mentre l’aereo vola pe’ ‘stu cielo
Che felicitá te sento cchiú vicina
N’atu poco arrivo, quase nun ce credo
‘Stu figlio tuojo é turnato
Si pure chistu core, ‘e te nun s’è scurdato
Ogge cchiú d’ajere
te voglio sempe cchiú bene
Chesta poesia é na dedica d’ammore
Commo a tante ca scrivo
Jescene ‘a chistu core
Vedennete ‘a luntano
Me chiagno ‘o core
T’ hanno fatto tantu mmale
Ogge tanta figlie tuoje se so’ scetate
Ma ‘sti figlie ancora moreno
Moreno Pe’ diffennere l’onore
Pe’ spezzá chesti catene
‘e chistu Stato e ca simmo priggiuniere
Napule mia… a chisti figli tuoje
Dancella chesta Gloria
Sientelo ‘stu grido ‘e libertá
Ne simme tant’ancora
Dint’ ‘a ‘sta città
Paricchie dormeno, dormeno pecchè nun sanno
e cierti fanno finta ‘e nun sentí
E nun vedé chesti lacreme
Dancella na via, dance luce
Napule mia… Falle vení
Chillo juorno c’hanna vedé
E c’hanna sentí  chesta voce!!

IMG_7787.JPG

IMG_7866.JPG