Na visiona appassiunata

Di Pino Rispo D.R.

Napule é na puesia
scritta dint ‘o core
senza fine,
é na passione ca nun
s’arrenne e maje more,

é na visione appassiunata,
ogge é nu grido
‘e libertá
addreto ‘e pporte
‘e ‘sta cittá

é nu viento e gloria
ca é turnato,
é na varca nmiezo
‘o mare,
ca’muntagna
che guarda d”a luntano

é a gioia é ammore..
é ‘o paese d”o mare
e d”o sole,
é nu quadro ca tutte
hanno pittato
ca però tante hanno
lassate,
ma chiagnenne
hanno giurato fedeltá
ha n’anze ‘a Ddio
e ogge so turnate,

napule é na visiona
appassiunata ca
te trasuto dint”o core
e maje cchiú te sí
scurdate.

IMG_9409

Advertisements

Na vecchia canzone

Di Pino Rispo d.r

L’unitá… l’unitá…
né piemonté pecché
nun dice ‘a verità?
t”a dico i’ quale é…
é sulo ‘na grande buscia
chello ca he fatto sapé

ogge diaciasette ‘e
marzo m’ha chiamme
festa ‘e l’unitá?
siente ‘a mme….
é addeventata vecchia
‘a canzone…
dice ‘a veritá…
pecche sí venute ccà?

comme aggio venuto
ha capí…..
tu si stato carogna
sí venuto p’accirere e p’arrubbá
p”e chesto veniste ‘a casa mia…
garribbardo cavour e
‘o macellaro cialdini
‘o boia’e casa savoia,
‘nu mare ‘e sanghe senza fine
‘nu melejune ‘e muorte
dint”a ‘sta terra
p”e cchiú ‘e diece anne
mettiste frate
contro ‘a frate
fuje na ribbellione
nun fuje na guerra,

ma chiamme unitá?
ma chiamme libberazzione?
scusa fraté… ma nuje
a teneveme ‘a Nazione..
e cu chesta ca tu chiamme Italia..
nun ce ne stanno parragone…

statte accorta fraté….
pecche stá fischianno ‘o viento’e libertá songo arrivate ‘e nuove Brigante….
stanno addreto ‘o vico,

perció fancillo ‘stu favore
i’ nun te só frate ma t”o
dico….
aize n’cuollo e vattene
‘a casa toja…
oramaje ‘a veritá
nun apparttene cchiú
a casa savoia..
chesta terra nun ta maje
vulute…..
aize n’cuollo e vattenne…
vá….
puortete ‘o boia!!!

IMG_9407

Brigante comme a nuje

Di Pino Rispo D.R

Pinú ….te ne si jute,
ce lassate fisicamente,
ma stai sempe ccá mieze a nuje,
l’aneme toja é presente,
dint ‘e canzone dicive
“Masaniello e turnato”
ire Brigante comme
a nuje, e…a tutte quante
nu poco ‘e ribelle dint’
‘o core ce piantato,

mo San Pietro ha dda arapí ‘o canciello
nata vota, pecche arriva natu Grande
arrive tu Pino….
uno ca faticato tanto
uno ca…pe stá cittá
nun se mai stancato
‘e suná pe’sta libertá

Terra mia propio ajere camminave pe sti vie, po….
dint’ ‘o suonno te ne si jute,e’nu velo niro
dint’ a ‘stu cielo
se arapute,
chisto cielo ca se fatto scuro,scuro,comme..
dint’a ‘na tempesta,
chiagne’a terra nosta,
chesta terra ca se nfosa ‘e lacrime,
addó ‘sti piedi tuoje
Nun camminano cchiú,
mo stai cammenano a lato munno,
dint’ a ‘stu grande
cielo blue

‘Stu cielo bello e doce…
ca forse nun tutte arrivarranno….
Pinú quanne arrive llá
t’arracumanno,
quanne stai n’paraiso
salutece a tutte
‘e meglio artiste ‘e Napule..
Specialmente
Totó….De Filippo, e
‘o meglio amico tuoje,
Massimo Troisi….

IMG_9410

Tradimento

Di Pino Rispo D.R.

Nuje simmo ‘e popule d’ ‘e ddoje Sicilie,
ca ogge stammo sapenno ‘a vera storia,
‘e chesta terra simmo ‘e figlie,
assaje ne stammo luntano,

stammo spase pe’ tutto ‘o munno,
suffrimmo a ‘sta luntano,
simmo napulitane, siciliane, calabrise,
pugliese, lucane e abruzzese,

Nuje simmo state
tradute’a nu frato ca s’è chiammato liberatore,
nu frato ca sulo ogge ne sapimme ‘a veritá,
é stato nu vero traditore, nu Giuda,
senza cuscienza e senza core!

Peppeniello cu tanta prumesse,
a ‘o Rré baffone prestaje giuramento,
ma ‘a veritá era sulo’na grande buscia,
pure peppino é stato ‘ngannato a tradimento,

Peppino ha traduto pe’sorde,
s’è spurcato ‘e mmane e ‘a cuscienza ‘e sango ca
ancora ne scorre pe’ ‘sti vie,
‘e chesta terra marturiata
pe’ ‘sta granda buscia, chiammata risorgimento,

pe’ na guerra nun dichiarata,
Na guerra ca ha miso frate contro a frate,
quanta criminale ‘e guerra chiammate eroje
teneno ‘o monumento,

oramaje ‘a cummedia è fernuta,
ce stammo scetanno ‘a ‘stu suonno,
oramaje se ne parla pe’ tutto ‘o munno,
jamme belle guagliú, nuje simmo ‘e nepute
d”e Brigante, vuttammo ‘e mmane,

c’avimma ribellá, ‘e figlie nuoste
nunn’hanna essere cchiú emigrante,
rumpimmela ‘sta buscia, ‘stu silenzio,
a meliune dint’ ‘e piazze avimma alluccá,

Ogni notte ogni ghiuorno libertá,
nuje vulimme giustizia d”a chisto tradimento,
p’ ‘e figlie nuoste dint’ ‘e scole ogge
hanna cuntá quale é stato ‘a vera storia e l’unitá,

chelle che é stato na grande buscia,
‘nu genocidio ca cuntinua ancora,
p”annasconnere ‘a ribellione c’hanno chiammate Brigante,
si, tradimento, na vera storia ‘e sango,
S’è chiammato Risorgimento!

IMG_9408-0