Canta guaglió

  Di Pino Rispo d.r. Canta guaglió canta… fatte sentí nun te fermá, conta ‘sta storia tira annanze nun te stancá… Ormaje ‘a veritá…. é ‘a luce ca tutte quante vonne vedé, mó nun puó cchiú murí, canta guaglió canta … Continue reading

Mille ‘a llora

Di Pino Rispo d.r.

Chi songo….
nun tene mpurtanza..
songo ‘nu figlio ‘e Napule..
stongo luntane…
ma ‘o core…no….
nun tene luntananza,
stongo vicino
‘a mammá mia
cammino dint”a ‘sti vie
comme ‘a quanne ero
piccerillo,
cammenavo pe porta nulana
e pe tutta Napule….
ero nu scugneziello,

quanta belle ricorde
‘e tanto tiempo fá,
uno in particulare ve
voglio cuntá,
é succiesso ‘america
sisignore….
propeto ccá,

arrivato luntano
ogne ghiurno chiagnevo
e giuravo ‘e ce turná,
ncoppe ‘o cummó
ce steve ‘na statuetta
‘e Cristoforo Colombo,
sbagliaje ‘a rotta ‘stu puvuriello
e l’america scuprette,

puveriello Cristoforo,
tutte ‘e matine
quanta sputazzate n’faccia ce devo
‘o rignevo ‘e parole
tutte ‘e sante ghiuorne ‘o
facevo ‘na mappina,

l’america nun era tutto
chello c’a gente diceve,
me sentevo ‘e murí
senza nu cumpagliello
luntano ‘a Napule
nun c’facevo,

songo Napulitane
e ogge voglio bene
‘a Napule cchiú d”aiere

ogge sento ‘stu core
e sbattere cchiú ‘e mille
‘a llora….e nun è
pe na femmina….
é pe na vecchia storia
chella c’hadda turná…..
si…
é chella antica gloria
e ogge saccio ca m’apparttene
e ‘o saccio ca m’vó
bbene,
si…pure ‘a mmé,
Napule mia…
‘stu core sbatte
mille ‘a llora pe tté!

IMG_9439