‘O doje ‘e maggio

 

 


Di Pino Rispo 

Ciá mammá… ogge

accussí te voglio arricurdá

pecché nun ce staje cchiú 
cara mamma staje dint”o core
staje sempe ccá…
é passato tanto tiempo 
ma ‘o ricordo tuoje
é sempe vivo dint”a mente

quanto me mancano
‘e rrisate ca me facive fá
I’te chiammavo chiattóna
ma tu m”abbracciave
e diceve vien a ccá 
bbell”e mammà
Ire ‘a gioia ‘e tutt quante
na cara nonna….
e ‘o surrise ‘e tante 
‘a dummeneca
ere sempe festa addu te
tu e papá irene na macchietta
a primma matina…
appiccecanneve chi aveva fa ‘o cafe

te voglio arricurdá accussí
chillo surrise ca ttenive
‘o purtave n’faccia
pure quando nun te firave
ogge é ‘o doje ‘e maggio
‘o juorno ca sí nnate
bbuone cumplianne mammá
ce vedimme fra nu poco
ce pigliamme ‘o cafe
te chiammo chiattóna
e ce facimme quatte 
rrisate nata vota!










Advertisements