‘Nu suonno doce e lucente

   
 Di Pino Rispo D.R.

Penzanne je veco…

Penzanne je scrivo chello ca sento,

‘Nu suonno doce e lucente…

Ogni notte ca vene e vá,

Rimane cca dint”a mente..
Veco ‘na luce ‘a luntano

stá sempe llá…

Nun arrivo maje…

Ma mme pare ‘e stá vicino…

E cammino….. cammino,

Senza ‘e mmé stancá,

‘Na speranza dint”o core mmé parla,

e sento addore ‘e libertá,

Mme ddá forza e sullievo,
Comme ‘a ‘na mamma ca te vo tanto bene,

Camennano che splendore,

Che meraviglia…che bellezze,

Mmé regna ‘o core,

Tutte ‘e notte je voglio fá ‘stu

suonno,

Pe vedé e sentí ‘sta visiona,

M’avote e m’aggiro ‘e pô m’addormo,
E ‘a luce ‘a luntano mmé dá

Sempe cchiú speranza dint’o core,

Mmé regnano ‘e luce e passione,
Dint’ ‘a ‘stu suonno…aggio truvato

l’identitá….

‘Na visiona ca mmé ddá ‘a forza ‘e campá,

Dint ‘a ‘stu suonno….luongo ‘e doce

P”a terra mia aggio visto ‘na luce,

Tutte ‘e notte a miezo ‘o mare,

Primmo ca mmé sceto,

Sento sempe ‘nu grido ‘e libertá!  

Advertisements

Stanne turnanne ‘e Brigante

Di Pino Rispo D.R.
C’aggia fá….

Nun tengo suonno…

Piglio ‘a penna e m’metto a scrivere,

Vota e aggira

E ‘a mente m’ porta sempe llá

Mm’tremm’a mano…….

E mm’scenne ‘na lacrima,

Penzo…e nun pozzo immaginá,

‘O martirio ‘e chistu populo,

Accuminciato tanto tiempo fá,

Chesti rime venene d”o core,

Chistu core nnamurato ‘e chesta terra,

Chesta terra bella e ammarturuiata,

Ca ogge tene ‘na nova storia

cu tanto ‘e onore,

Stamme riscuprenne ‘e chesta gloria,

Stanne turnanne ‘e brigante,

E fra poco tutte ‘e figlie emigrante,

E pure ‘a lengua nosta é turnata,

Che v’aggia dí ? je so fiero,

E ogge songo nnamurato ancora

‘e cchiú d”ajere….

E pe chesta terra mm’vvolle

Sempe ‘e cchiú ‘o sanghe dint”e vvene,

Quanto vurria ca cchiú ‘e nuje,

Sentesseme chisto ammore,

Pe vve fá vedé chello ca veco je,

Scrivenne chesti rime quanta pecundria,

So felice ‘e scrivere ‘sti parole,

Pecche ‘o saccio ca quanno parlo

je ve passo ‘a storia nosta dint”o core,

E vve porto alleria, ammore e onore,

Me chiammane ‘o pueta identitario

e pure ‘o pueta d”e duje munne,

Dint”e puesie parlo comme

A ‘nu giurnale radio,

nun mmé stanco ‘e raccuntá 

‘e chesta storia,

Finché tengo ‘a vita e veco ‘a luce,

‘Nu sulo grido ‘e suludaritá

‘nu sulo grido ‘e LIBERTÁ!!!!

   
 

‘O pesce ca puzze d”a capa

Di Pino Rispo D.R.   Penzanno m’arricorde tanta cose d’aiere, ‘E l’infanzia crisciute n’mieze ‘a via, quante me cunzulave ‘e cammená Vicino ‘a casa mia, Quanta cumpagnielle ‘e scole ca tenevo, Jucavame ‘a pallone cu ‘na palla ‘e giurnnale arravugliato…. N’miezo ‘o curtilo d”a scola, Po ‘e vote facevo filone, E me ne jevo cammenanno pe Napule, N’zieme ‘a ll’amico Capirone Nicola, Truvave sempe meraviglia pe chist’uocchie, Me fermavo n’cantato pe tutte parte, E si tenevo quacche lira, M’accattave ‘nu taralluccio ‘a marggellina, Magnavo fore ‘o mare e mmé  Cunzulavo ‘o core, Cammenavo e Senteve ll’addore ‘e mare, Napule…mo invece te seguo da luntano, Mo maggia accuntentá ‘e chest italia…. ca ma purtaje ccá n’terra straniera? Luntane ‘a chesta gioa? ‘a chisto ammore? No…… Je nun supporto cchiù chistu dulore… e aggia parlá! Ogge saccio tutte cose, tu Stato…… accusí he vuluto, Sí state ‘na carogna, sí state ‘o boia, Sí state Giuda, He acciso ‘o sanghe ‘e chisto sanghe, ‘Nu meleiune ‘e muorte, E chesta storia llé chiuse dint”a ll’archivio militare, Pe tanto anne llé annascunnute, Ma mo é fernute, L’italietta ‘e ogge… É ‘o pesce ca puzze d”a capa, L’avimma tagliá ‘a capa, E l’avimma appennere haddó accuminciaje ‘na granda buscia  chiammate tricolore, fatte co sanghe haddo tu ogge chiamme meridione, n’mieze ‘a capitale piemontese ‘e Torino, Pecché a nuje nun c’apparttene!!

Tutte figlie ‘e ‘sta cittá

Di Pino Rispo D.R.

Napule Nun more maje
  Napule sará sempe allera,

Pecchè é Napule,

E Si Stá malata…..

É pecché si chiagne ‘e figlie suoje

Chille senza identitá,

E pure chille figlie luntane….. 

Chille sí ca só vvere….

Dritto o stuorto

Tutte figlie ‘e ‘sta cittá!