Ll’ammore

Di Pino Rispo D.R. Ammore…..e che significa ‘sta pparola? Si dint’ô core puorte sulo rancore, Si ‘a dint”e penziere nun esce ‘na vota, Ogge assaje vota, ll’ammore te fà fesso, Pecchè nun é ammore ma é sesso, ‘O vero ammore … Continue reading

Capelluccio

Parlanno e ppenzanno …
N’ammore luntano,

Sentenno ‘a passione ’e ‘na vota,

Vurria turná luntano

Arreto cu ‘o tiempo,

Pe rrummané guaglione pe ssempe,

Pe rrestá ncantato

Comme a ‘na vota,
‘A signora Pempinella me chiammava …

E mme diceva ” viene ccá Cappellú,

Tècchete ‘e sorde,và a dd’ô pizzaiuolo e

piglia tre ppizze cotte bbuono,

Ddoje margherite e ‘na marenara,

Peró, guarda a ddó vaje, statt’accorto,

Hai capito, Cappellú”?

I’ … “Sì signó… subbeto”
Ma che bbelli tiempe,

Tiempe ‘e ‘na vota,

Senza speranza ‘e ‘nu dimane,

Ma cu ttanto orgoglio dint’ô core,

Mo che mme nne faccio ‘e chesta America?
‘Sti quatte perucchie ca tengo ccà…

‘A Napule ‘e tteneva pure mammà…

E ppure a nnuje comme a ttante,

Nc’è ccustato caro chesta unitá,
Chillo juorno ‘e quarantaduje anne fa.. vuje ‘o ssapite …

Che vv’ ’o cconto a ffá ?

Comme a ttante

addeventaje nato emigrante pe

colpa ‘e ‘sta mala unitá,
Mo nun me faccio capace:

chesta Italia ll’avesse abbracciá?
Avess’ ’a fà finta ‘e niente,

Appilanneme ‘e rrecchie,

E avesse restá a gguardà?
No … dint’ô core p’ ‘a Terra mia tengo

tutto ll’ammore …

Ancora ‘e cchiú ‘e ‘na vota,
Ma quanta freva ca mme piglia a ssentí

‘e frate mie chiammate “Meridionale e tterrone”,

Che schifo! peffino dint’ô rap … 

Dint’a ‘e ccanzone,
Ma io nun me stanco ‘e sentí;

Chistu core ‘nu juorno se fermarrá,

M’aggi’ ’a fá viecchio,

Cu ‘na bbarba ca m’arriva ‘nfino ê piere,
Ma nun me stanco maje ‘e cantá ‘sta poesia,
‘E ‘sta buscia chiammata unitá,

Frate mie … ve voglio bbene …

No … Cappelluccio, Pino ‘a veritá …

I’ no, nun me stanco ‘e v’ ’a cuntà!