Poesie napulitane'e Pino Rispo, Brigante Napulitane!
Di Pino Rispo
Tengo ‘na casa ca è sempe ‘a mia
A porto sempe cu mme
M’hanno cacciato….
Ma nun me l’hanno llevata..
Dint’’e notte sempe l’aggio sunnata
Vulesse sulo turná addereto…
Ma addereto dint’’a storia…
P’’e essere ‘nu brigante
P’’e d’’a vita…p’’e ‘sta terra
‘O Rré ‘a Riggina..
P’’e chisto Regno nuosto
P’’e chesta casa mia
Di Pino Rispo
Me sò scetato stammatina…
E nun facevo che penzà
‘E comme pass’’o tiempo..
E truvanneme ccá…
Dint’a ‘sti penziere…
M’aggio visto uagliunciello…
Cammenano p’’e Napule..
Allero…scugnezziello..
Pass’’o tiempo ma no ‘e ricorde…
Chille restano dint’’o core..
‘E tiempe bell’’e ‘na vota
Ca vurria vivere ancora..
Ma ‘o tiempo se né vá
Pecchè ‘a vita é comm’a ‘na giostra
E ccà… sulo ‘nu giro sò venuto a fá…
Spero ca chillo juorno
Ca passo ‘o lat’a llá
Tengo ‘na fenesta addó
Me pozzo appujà…
Pe vedé ‘stu paraviso
E pozzo accuminciá…
‘O tiempo d’’o capo..
E chianu chiano me pozzo vedè…
‘O film d’’a vita ‘e quanno stevo ccá
Pecché Napule é ‘o munno mio…
E ‘ncoppe a stà giostra
‘Nu giro…. pozzo turná a fà!!
Di Pino Rispo
Te penzavo comm’’e solito
E comm’â sempe me sbatte
‘O core ‘mpietto
‘E chilometri ca ce separano
É comme ‘na gálera
Ma quanno penzo
Ca me trovo ccá…
É ‘na ‘nfamità….
É comm’â ‘nu delitto
Ma st’arrivanne ‘o tiempo ‘e ascí
‘A int’â ‘sta gâiola
Songo stanco ‘e purtà
‘Sta pall’’o pero
‘A terra chiamm’’o sango
Proprio comme chiammaie
A Luigi…. ‘o nonno..
T’aggia vivere…
Aggia cammenà p’’e tutt’’e vie
Voglio sentì ‘o burdello…
Cu’ ‘nu surriso ‘nfaccia
Pecchè sì ‘a vita mia..
Te voglio vedè e sentï tutt’’e juorne
Pecchè sí ‘a patria
Parlo sempe ‘e te cu’ tant’orgoglio
Vurria turn’á nascere
P’’e vivere cu’ te…
‘E minut’’e ssiconde….
Ma oramaie me rrimane
Poco tiempo…
Napule mia….
M’accuntent’’o stesso
Pure Poco é n’eternità….
Voglio murì cu’ te….
Nunn fá niente!!
Di Pino Rispo
Scrivimme… scrivemme
Senza fine…
Aggia parlá ‘nfino a che..
‘Sti parole v’hanna stuná
Ve parlo ‘e chesta storia nosta
Pecchè mó sulo chesto voglio fà
È addivintata ‘na passione
‘E sapè ‘e vedè…
Pass’’á parol’â ll’ate..
Je pass’’o tiémpo â llà penzà
Difficile pó â nunn parlà
Sarà pecchè stó luntano..
Forze pe’ chesto mè sento
Assaje cchiú Nnapulitano
Ma chisto esilio stà pe’ ferní
Vuje ca mè cunuscite..
‘O putite capí..
‘A patria cheré pe’ mè…
É ‘a nnammurata mia..
Ca mé vvéne ‘nzuonno
E mé scete tutt’’e matina..
Cchiú saccio e cchiú m’annammoro
Mé rregna ‘e ggioa ‘stu core..
A llá penzà…a llà sentì a llà âddurà
A chillu juorno nun luntano…
Chillu juorno ca sarà libbera…
Quanno tutt’ê nuje..
Aluccamne libertá..
Di Pino Rispo
É tièmpo ‘e capí chi vvènete ccà..
Tièmpo ‘e rivoluzione cù ‘e fatte
Senzà parlà..
Hanno cercato ‘e cé stutá..
Ma ‘a storia nosta maje murarrà..
Assaje se sò scetate….
Ma stann’ancora cùccáte
Fanno finta ‘e nunn vedè
S’appilan’’e recchie p’’e nunn sentí
‘A stessa ggente chiagne dint’’o scuro…
E sè n’áccorgge sulo quanno vvene ..
Sera..
Ca quaccosa addà cagnà..
Che vvulite vedé cchiù?
Quante ‘e cchiù n’avimma ssubí?
Quanta figlie ancora hanna partí?
‘O nemico nunn cé â maje lassato
E accíre ancora comme ajere
Simmo sempe nuje
E ll’ore só semp’’e stesse…
E nnuje ce magnamme ‘sta Mmenesta…
Nuje simmo semp’’e terrune
E ll’ore ‘e “taliane brava ggente”
Tutt’eroie cu’’e monumente
E mó sè ripete tutto d’’o capo
Ce stà chillo ca sè vennuto
‘O nemico…
P’’e trenta dinari comme ajere
Cu’ ‘o reddit’’e cittadinanza
P’’e mó…sè rregn’’a panza..
Grande prezzo ‘a pavà…
Pecchè ddopo sé parte ‘o stesso
Pecchè chillu posto maje arrivarrà
E sí mò avite capite ‘stí pparole
Dammece ‘na mano
Chest’è rivoluzione…
Uno cu’ll’ato é arrivat’o tiémpo
Âunimece pá stessa causa
‘A faro â faro una bbanera
Una Nnazzione!!
Di Pino Rispo
Quanto tiémpo é passato
Quanta vite scurdate..
Ce né simme ghiuto
Senza sapé ‘o pecché
E assaje senza maje cchiù turnà
Parlávane d’’o burbone
Ricevano ca era ‘o malamento..
Scinnetteno d’’o nord
Che brutta ggente.
Parlàvano francese…
E cummannàte d’’a ll’inglese..
‘Nguajat’’e diebbete…
Sé vuletteno fermà..
‘A Sicilia e pò a Napule…
‘O Regno d’’e ddoje Sicilie…
Èrano accussí malamente
‘Sti burbone ca ‘nfin’â tanno
Nun esisteve ll’emigrazione..
Terza pùtenza ‘ndùstriale
Doppo francia e ingliterra..
‘O populo era felice
E campava bbuono…
E tu sabboia veniste ccà
P’’e t’accunccià ‘e cazze tuoje…
E mè faciste frat’’e
Seconda categoria…
E mannást’â garribbardo….
“ ô sé fá l’italia ô sè more”
Póvero strunzo faciste l’italia
Ma no ‘e taliane
Pure ffiglieto Ricciotti te schífaje
E sè mettete cu’ nuje…
E tu povero strunzo..
‘Nfelice muriste a caprera…
E mò chesta italietta toja…
È ‘o scuorno ‘e tutt’’o munno
E ‘na granda bárzéletta….
Aurie garibà…
Tu baffon’ê ‘o conte…
Cu’ ‘a scusa ‘e l’unitá
Venistèn’â cagà ‘o cazzo ccà
Ma stà vénnen’’o juorno
Ca tu e ‘e cumparielle tuoje
Cárít’’a copp’’e pierestalle
Quanne ncé avit’attèrrate
Éramo sèmenta…
Simmo turnat’’á náscere…
C’‘a verità ‘ncapa..
E c’’o sanco rint’’a ll’uocchie
Nun simmo maje muorte
E ‘o diciasett’’e marzo nuje
Nun fistiggiamme ‘a morte
D’’e nonne nuoste
E á ‘na uerr’’e conquista…
Nun dichiarata…
Pirciò garibá…
Tu é ‘e cumparielle tuoje
Site muort’ê ve site pure ‘nfràcitate…
Ma avite fà ancor’’e cunte cu’ nuje
Di Pino Rispo
Me sò truvato int’a ‘sta storia
Chisà pecchè…
Me trovo ccà annascuse..
Aret’â ‘nu muro..
P’’e nun me fà vedè..
Sent’allûcche, spare,veco fuoco
P’’e tutto parte..
Po’ sento a ‘sti surdate ‘e parlá
‘Na llengua straniera..
D’aret’a ‘o muro je ‘e veco
Quanno mè s’avvicino ‘un a parte mija
Tene ‘a faccia e l’uocchie chino r’odio
P’’e furtuna mija s’avota e nun mé vére
Quanne po’ cu ‘nu colp’’e baiunetta
Barbaramente stu’’a vit’’a ‘na femmena
Vestuta ‘e nero ca già steve ‘nterra..
‘Int’’a ‘nu bagno ‘e sanghe..
Mentre ancora stanno metteno
Tanta ggente contr’’e mmura
Sente ‘e chiagnere …
‘E ggride disperata d’’a ggente
‘O ffuoco int’’a nuttata d’’e ffiame
Accussì grosse ca pare miezejuorno
Me uarde attuorne cu ll’uocchie
Chien’’e llacreme ‘e ‘o core
Ca me sbatte ‘mpietto…
Quanne a ll’intrasatto..
Sento ‘na voce…
“ uaglió songo je…
‘O core tuoje…ca te parle…
Je t’aggio purtate ccà…
Ma cherè stai chiagneno??
No uaglió ‘nu chiagnere
Che faje?? tu si brigante…
Siente a mè tu scrive sempe…
E nun te fermà maje…
Falle parlà chisto core..
Tu parla e falle sapè…
P’’e tutt’’o munno…
Chello ca é succieso ccà
Raccontala ‘sta storia…
E dincell’’a verità
Nuje erame tante
Mó annascunute d’’a storia..
Frate ribelle contro a l’invasore
Po’ chiammate criminal’ê brigante
L’invasore ca p’’e lucro
Sé chiammate libberatore…
Dincello ca tenevemo ‘nu regno
E nun erame schiave d’’o Borbone
E ca llore nun erano ‘e tiranne”
A l’intrasatto arapo ll’uocchie
Me trovo ca penna mmano….
Assettate ‘o ttavulo int’’a cucina
Muglierema mé dice..
“ E tarde a faticà nun vaje?“
“Si.. steve parlane ‘nu mumento
C’’o core..mè nè stò jenne!!“
Di Pino Rispo
‘A quann’é accumminciate
Chesta unità…
Nuje simmo sempe state ‘o scuro
‘A memoria d’’o passato…
C’hanno annebbiate…
E ‘na finta storia..
È stato raccuntato d’’a ‘o libberatore
Ca ‘nrialità era buciardo e traditore
E ‘a storia ll’ore int’’e scole
C’hanno ‘nzignate
Dduje munne diverse simme nuje
P’’e tutte cose…
Storia cultura e civiltà
E cu’ Nnapule capitale nuje simme fiere
D’essere nate a ‘stu paese…
D’’a chesta parte d’’o faro…
E vulimme bbene pur’’e frate Siciliane
D’’a chell’ate parte d’’o faro…
Simmo frate d’’a stessa Nnaziona…
E nuje cumbattime p’’e ‘na stessa causa
Vulimme ca torna ‘a nazziona nosta
Vulimme ‘a nnipennenz’’a chisto
Stato traditore…
Simme stanch’’e trascinà ‘sta croce
E d’’e ce zucà ‘sta caramella
Ormaje chesta brutta storia
Chiammato risorgimento
Nun ce ‘ngànna cchiù
E tu ca staje liggenno
Te llé ‘nmparato pure tù…
Oramaje nè simmo tante
Ca cé simme scetate
‘O sipario d’’a memoria sé aizato
Ma ‘a strada ‘e llonga
E é pure ‘na ssagliuta..
Ma haddà venì ‘o juorno..
Ca spezzamme ‘sti catene…
‘E vuttamme fora ll’invasore!!
Di Pino Rispo
Pozzo scrivere tante cose
‘Ncopp’â te
Ma quanne cchiù scrivo
E cchiù sè regna ll’anema
E cchiù sè regna…
E cchiù m’annamore…
Terra bella mia
Terr’’e passione
Ca nun me scorde maje
Pure quanne more…
Starraje cu mè..
Tu si chella mamma..
Ca tante hanno lassato..
Cierte cecate d’’a miseria
Hanno giurato ‘e maje cchiù turnà
E tànno pure scurdato
Ma je mamma bella t’aggio
P’’e sempe purtato rint’’o core
E t’aggio sempe amato…
Pure senza sapè ‘a rraggione
C’avimme avute partí
L’ammore p’’e tè
É comme sí fosso ancora uaglione
T’aggio sempe difenduta
D’’a vocca mia t’aggio
Sempe fatte fà ‘na bbona figura
Je nun capisco ‘a ggente toja stessa
ca nun t’apprezza e nun te vede..
Ca tè disprezza p’’e ogne
Cosa ‘e niente..
Comme ogne cosa ‘e niente
Sul’â Nnapule succere…
Ggente ca uarda ma nun
Vede ‘e bbellezze toje…
Vulesse essere presente
Ogne bota ca ‘un dicesse
‘Na cosa mal’’e té..
P’’e ce parlá p’’e ce dicere
Arape l’uocchie e uard’attuorno
Magnate pure pan’’e cepolla..
Pecché ‘na meraviglia accussí
Si tu ’a circa p’’e l’eternità…
Nun ‘a truove maje..
Pure ‘a fine d’’o munno
Dedicata a mio Nonno materno
Luigi Casalaro
Di Pino Rispo
Caro Nonno ‘e rrecente
Te stò penzanno spisso..
Reflettenn’’e cercanno ‘e mettere
Nziem ‘’e passe che fatte dint’a
Chillo luntano millenoveciento e tridice..
‘A quanne ‘a chillo paese d’’a lucania..
Precisamente Aliano…
Sii partuto p’’e raggiungere Nnapule.
E p’’e te ‘nnbarcà ‘ncoppe a ‘un d’’e
Tante bastimiente ca purtavane
P’’e ll’americhe…
‘A San Guglielmo.
E riflettenne caro Nonno je…
Je me voglio mettere dint’’e panne tuoje..
P’’e cercá p’’e capi…
P’’e cercà ‘e immaginá chello
Ca tu te sentive dint’’o core…
Pecchè stive partenne??
Pecchè te ne fuive??
Oppure sapive ‘o pecchè??
Ca stive abbandunanne ‘a terra toja
Ca ‘e pure ‘a nosta ?
Vulesse essere ‘nu mago
P’’e turnà llà cu té..
P’’e te sentí p’’e te vedè…
P’’e stà n’cumpágnia toja..
Chisà quale classe viaggiave
Sicuramente no ‘a primma..
Caro Nonno je scrivo e chiagno…
Pecchè é ‘o ssango ca chiamme..
Ma je ‘o saccio ca si state
‘Nu ssignore venive ‘a ‘nu paese
Haddò se sò ribbellate…
Haddò ce passate pure
Carmeniello Donatello Crocco…
‘O Generale… si
proprio isso..
Chillo ca je ogge porto tattuato
‘Ncopp’’o braccio sinistro..
Po penzanno ancora…caro Nonno
‘O millenoveciento e diciasette
T’annamurast’’e ‘na guagliuncella
‘E ssidice anne…
Maria…. bella comm’ê ‘o sole…
Fù ammore ‘a primma vista..
T’a spusaste…. a Nonna nosta…
‘A Brooklyn haddò nascette
Zio Antonio Zia Rusina..
‘E po bell’’e bbuono…
‘O millenovecientovintiquatto..
Te n’mbàrcaste nata vota p’’e turnà
‘A chillo viecchio paese d’’a lucania
Cu ‘a Nonna gravida ‘e mamma mia..
E llà addeventaste n’ommo ‘mpurtante
P’’e ll’anne americane…
E p’’e chesto t’’e chiammavene
P’’e ‘o paese ll’americano..
E cu chille quatte dollari ca te purtaste
D’america t’accataste ‘a primma
Machina d’’o paese.. ‘na ballila…
E po anne doppo
Arrivaje p’’e cundanna…
‘E Mussolini ‘o confino
Propio llà Aliano..
Carlo Levi…
Antifascista ebreo e piemontese
E tu lle faciste comm’’autista..
E propio isso anne doppo
D’’a ssiconda guerra te cita
Dint’’o libbro suoje…
Cristo si é fermato a Eboli…
Ca pò ‘o sittantanove hanno
Fatto pur’’o film..
Embè ‘o Nò…
‘E visto ca ‘nu nepote tuoje
Tá fatte pure chesta dedica?
Requi’e pace a l’anima toja ‘o Nò…
P’’e chillo grande omme ca si state
Je…. me sò permesso…
Pecchè te voglio Bbene…
T’aggio vulute fá chesta autobiografia..
Pecchè tu caro nonno…
Faje parte d’’a storia ‘e tant’’e nnuje…
E orgogliosamente nonno caro…
D’’a mia!!
pinobriganterispo's Blog 