Post in evidenza

‘A fine d’’o munno

Di Pino Rispo

Pozzo scrivere tante cose

‘Ncopp’â te

Ma quanne cchiù scrivo

E cchiù sè regna ll’anema

E cchiù sè regna…

E cchiù m’annamore…

Terra bella mia

Terr’’e passione

Ca nun me scorde maje

Pure quanne more…

Starraje cu mè..

Tu si chella mamma..

Ca tante hanno lassato..

Cierte cecate d’’a miseria

Hanno giurato ‘e maje cchiù turnà

E tànno pure scurdato

Ma je mamma bella t’aggio

P’’e sempe purtato rint’’o core

E t’aggio sempe amato…

Pure senza sapè ‘a rraggione

C’avimme avute partí

L’ammore p’’e tè

É comme sí fosso ancora uaglione

T’aggio sempe difenduta

D’’a vocca mia t’aggio

Sempe fatte fà ‘na bbona figura

Je nun capisco ‘a ggente toja stessa

ca nun t’apprezza e nun te vede..

Ca tè disprezza p’’e ogne

Cosa ‘e niente..

Comme ogne cosa ‘e niente

Sul’â Nnapule succere…

Ggente ca uarda ma nun

Vede ‘e bbellezze toje…

Vulesse essere presente

Ogne bota ca ‘un dicesse

‘Na cosa mal’’e té..

P’’e ce parlá p’’e ce dicere

Arape l’uocchie e uard’attuorno

Magnate pure pan’’e cepolla..

Pecché ‘na meraviglia accussí

Si tu ’a circa p’’e l’eternità…

Nun ‘a truove maje..

Pure ‘a fine d’’o munno

Int’a ‘na canzone

Di Pino Rispo

‘Na matina,parlaste ccu mmé,

Int’a ‘na canzone, e ‘nu tiempo fá,

Pe dicere,che tu, ancora staje ccá,

Addò staje tu,me vire,

Ma nun puó, parlá,

Ammore mio

Pecché,nun par‘’overo,

Staje ccà ancora,Int’a ‘sti vene,

Tu ssaje ca tu e je,

Simme una vita, una sola

Aggio ‘ntise l’anema toja

Ancora cu mmé

E ‘a chist’uocchie, ‘e lacrimeee

Songhe sceseeee

Mo c’haggia fá? dimmele tuuuu

Je aggio ‘ntiso

E t’aggio vulute, ammore mio,

Pecché dint’’o core

E mise tanto, tantu bbene,

Pe’pó vulá, ll’a int’â ‘stu cielo

Sicuro ‘ncielo,ammore mio,

Int’a ‘na canzona

Stamatina má tuccato

Ll’anema toja, chillo surriso

Pe’ dint’a mé, mm’é turnat’’a gioia

‘O mmale ‘e chella matina

Nun vinciarrá mai st’ammore

Tu staje ccá sempe, int’o core

Je nun ‘o saccio, si chillo juorno

Vengo addò te

Nun ‘o saccio, ammore mio,

Si sárrá ‘ncielo, ammó, llá cu’ te

Je nun ‘o saccio ammó, si é llá cu’ te

Ammore mio,

Quanta tiempo ancora,senza te,

ammore mio,quanta tiempo ancora

Senzaaa, teeeeeeeeeeee?

L’urddemo ‘e l’anno

Di Pino Rispo

É ffernuto n’ato anno

Passa ‘o tiempo

Senza ca te nné accuorggie

Passa…ma si sempe tu,

Si sempe tu ca me fá

Sunná… chella ca me fá campá

Senza ‘e te… nun ‘o saccio

Che penzasse.. che facesso,

Si tutto chello ca voglio

Tutt’’e notte te sonno

Sule tu siente stá canzona

Stá passione…

Ca brucia rint’’o core

Mó trase nato anno

Ma cagne sulo ‘o nummero

‘O core é sempe chillo

Chillo ca é annamurato ‘e te

Napule mia

Fisicamente luntana

Ma pure chisto anno

‘O core parlarrá

Sempe e sulo ‘e te!!

Comm’é bello Napule

Di Pino Rispo

Si…

È ‘nu munno antico

É ‘na mamma luntana

Ca sonno tutt’e notte

Me vvene rint’’e penziere

Tutt’e minute d’’a jurnata

E ‘a pecundria ca me vvene

Tutt’e bbote..

E penzo quanno ancora

stevo llá

‘A vita era semplice…

Ero Guaglione nun penzavo

 niente…

Cu ‘e scarpe senza ssole

Cammenavo p’’e tutt’a città

E si tenevo quacche llira

‘Na zeppola e ‘nu panzarotte

Me jevo accattá..

Magnavo chianu chiano

P’’e fá durà cchiù a luongo

Ogge me manca chesta infanzia

Ogge me trovo ccà

a llata parte d’’o munno

M’allicorde quanno

chella mammarella mia

Me veneva a pigliá

Rint’o cinema Titanus

Doppo ‘na jurnata

miez’a via

Quacche bbote pure ‘nu film

Me jeve a vedè…

Me fumavo ‘na sigaretta

‘A mammà acchiappavo

‘Nu bello paccher’e traverzo

Comm’é bello Napule

Mo ce penzo..

E stò accusi luntano ‘a te Cinquantanne sò passate

E p’’e tutte chisto tiempo

rint’a ‘stu core

Taggio sempe purtato cu’ mmé

Sí ‘a mammarella mia luntana

Ma staje rint’o core

e stò sempe cu’ te!!

Emigrante

Di Pino Rispo

I’ parto me nné vaco

Aggia lassa napule

Me fà male ‘o core

Chi sà che m’aspetta

Llà ‘nterra straniera

Songo un d’’e tante

Emigrante…

‘Ncopp’’a stá nave

I’ mo scrivo……

<<‘O destino mio

È ‘o stesso ‘e tante

Primm’’e me

Hanne avute abbanduná

A melliune..

Nuje simme ‘e frate ‘e nisciuno

Accusi vulute ‘a chella

Finta unitá

O burbone nun era ‘o tiranno

Ma ‘na dinastia nobile

Ha fatto sempe faticà ‘o populo

Nisciuno se nné jieva

Anze scinnevano d’’o nord

P’’e faticá

‘O savoia ciá rubato ‘a vita

Ciá fatto frate ‘e stá nnazziona

Ma simme frate ‘e nisciuno

Pecchè ‘a verità fá male

A chille ‘e coppe

Cianno accise ma

Nun simme maje muorte

Oramaje fà tiempo ca ‘e

Chesta storia nosta

Cé n’avimma accorte

Nuje simme cittadine d’’o munno

E p’’a terra nosta

Tenimmo n’ammore grande

‘Na passione profonda

Simm’’e nuove brigante

<Chi avuto avuto

E chi ha dato dato>

Ma ‘o savoia nun cià fatto

Maje scurdá ‘o passato>>

Terra straniera

Di Pino Rispo

Pulecené ha ddó staje?

Nun te veco

ma nun mme maje lassate

Pulecenè tu vive dint’’a ‘stu core

Nun t’aggio maje scurdato

Pulecenè tu sí ll’amnore

L’untano ‘a te

nun sè campa bbuono

Quante lacreme

Chiste uocchie hanno patute

Ma dint’’e suonne

T’hanno visto e sentuto…

Pulecenè

je te voglio tanto bbene

Tu sí e ssaraje

P’’e sempe

L’ammore ‘e chisto core

Tu m’aspiette

Ma je stó ccá

‘Nterra straniera.

‘A passione ‘e chisto core

Di Pino Rispo

Só Napulitano…

Uno ‘e chille vere

Tengo chesta patria

Dint’’o core…

Si sulo putesso

Turnà addreto..

Facess’’e tutto

P’’e cumbattere p’’e

Chesta terra mia

Tanta vôte je nun capisco

‘A ggenta

Âvôtene ‘a faccia

E fanno fint’’e niente

Forze pecchè

Nun hanno capito

Ancora …

“ cantano ‘a bbuordo

Sô Nnapulitane”

‘O ddice ‘e nnote

‘E ‘na canzone

Comme pure….

“Je caggio perzo patria

Casa e onore…

Je só carn’’e maciello

Só emigrante”

Je songo uno ‘e chille

Ca sufferto assaje

Je faccio parte

‘E chelli lacreme

Napulitane

E ogge cchiù d’ajere

P’’e me sì sempe

‘A mammarella mia

Rimane comm’’a sempe

‘A passione ‘e chisto core

‘o sanghe chiamm’’o sanghe

Carmine Barretta

É propio overo ca ‘o Sanghe
Chiamm”o sanghe…
E tra frate e frate nun esistono
Cunfine te voglio tanto bbene
E nun te scordo maje cchiú…
E chesto to giuro❤️❤️❤️

Ciao, Pino.

Di Carmine Baretta D.R.

Comm’a n’emigrante sî ppartuto,
comm’a ‘nu Brigante sî turnato.
Stongo amareggiato, nun aggio pututo…
Che peccato ca nun t’aggio ‘ncuntrato.
Ma i’ sto vicino a te, c’’o penziero,
a Nnapule sicuramente fa piacere.
Napule aspetta sempe ‘e figlie sujo…
E ssaccio ca ogge è cuntento ‘o còre tuojo.
Nun te perdere niente, vive a ssazietà,
chesta è ‘a città toja e nun t’’a può scurdà.
T’abbraccio e te saluto comm’a frate…
ma ‘o còre chiagne ca nun t’aggio ‘ncuntrato!
c.b.

Parole,musica e poesia

Di Pino Rispo

Uno penza ê scrive,

‘Nato scrive ê parla,

Je ogni notte ssônno a té

Si tu… ca staje luntano,

Tu ca m’aspiette a braccia aperte

P’’e turná…

Cu’ chella bella luna

Abbascio maruchiaro tutt’’e notte,

Tu staje llá,

Chesta notte,e ogni notte penz’’a té,

Ma st’ârrivano chillu juorno,

Ca staje sempe cu me,

Mare cielo sole e luna,

Ma comm’’a té nun se trova nisciuna…

T’aggio sempe vulute bbene ,

‘A che sò nnato síí ‘o Sango dint’’e vvene,

Síí parola,musica e poesia,

Tu síí ‘a forza e ll’anema d’’a vita mia,

Quant’é bell’’a té penzá,

Patria bella….

Patria cara….

Poco sò stí rrime…

p’’e dichiará st’ammore….

Napule mia….

E pure stanotte parla chistu core!!

Nun se po’’sta luntano

Di Pino Rispo

Aggia campá luntano

Ma nun ce ‘a faccio

Aggia sunná a te ‘o saccio

Ogne notte sí sempe chella

Tutt’’e notte sí unica e sempe bella

Quanta storie ‘ncuolle a te

‘A gente parlano male senza sapé

Sé sbagliava Francesco….

Ce sò rimaste ll’uocchie p’’e chiagnere…

Ma quanti ‘nfame

Ca fanno fint’’e niente

Ma quanne staje luntane…

Vulisse vulá ‘miez’’o viento

Quanne staje fore capisci..

Che tte manca..

Tanno ddato ‘nata storia

Pò he saputo chella vera

E liegge liegge e maje te stanca..

Pò tien’’a chille ca sò fedele

E te vonno ‘nu mar’’e bbene

Invece po’ chille ca venenen’’a fora

Pa’ priezza vulessene tuccá

‘Stu cielo cu’’e mmane….

Cara Napule…

Stá arrivann’’o ghiuorno

Tutte ‘nzieme avimme accunciá

Chesta storia

P’’e chest’’antica patria

Turnará ‘a gloria!!