Di Pino Rispo
‘A vita…..
Mè pare llonga ma nun è..
É ‘nnistante è ‘na bbevuta d’acqua….
È ‘na resata cu ‘namico
È ‘nu suspiro int’’a nuttata..
‘Nu grande dulore quanne
Nun vulisse sapè..
‘O cammino è lluongo
Ma nun è
Assaje cchiù peggio…
Quanne sì sulo
E niusciuno stà cu tte..
Cammine e cammine
Senza ‘e te fermà..
Uarde sempe annante
Senza ‘e te stancà…
Pecchè ‘nu juorno ‘o stesso
Te truove comme ‘a primma
Sulo e abbandunato…
E doppe ca te nnè si jjuto
Te vveneno ‘a truvà….
Chiagnene ‘nu poco…
E te lassano ‘nu sciore
‘A vita ha ddà essere goduta
Ogne juorno ca passa
Cchiù s’accorcia…
N’ato juorno trase e và
‘E pressa…
Pure quanne staje ‘a Nnapule…
Ca è ‘o paraviso mio
Vulesse ca ‘sta vota
‘A vita me facesse fesso
E po sempe me trovo
Int’’e meglie suonne
E stongo int’’a ‘sti vie
Comme ‘a ‘stu penziero
Ca è ‘o cammino..
D’a vita mia!!